ស្វែង​យល់​ថា នៅ​ក្នុង iOS 10 Beta 1 មាន​បញ្ហា​អ្វីខ្លះ!

ប្រហែលជា មានប្រិយមិត្តភាគ​ច្រើន​ហើយ ដែល​បាន​តម្លើង ទៅ​កាន់​ប្រព័ន្ធ​ប្រតិបត្តិការ iOS ជំនាន់​ថ្មី​នេះ គឺ iOS 10 Beta 1 ដែល Apple ទើបតែ​បញ្ចេញវា បានប្រមាណ ពីរទៅបីថ្ងៃទេ សម្រាប់អោយ អ្នកអភិវឌ្ឍកម្មវិធី (Developers) ប្រើប្រាស់ ដើម្បីសិក្សា ថាតើវាមាន បញ្ហាអ្វីខ្លះ ហើយគួរតែ កែប្រែ​ចំណុច​ណាខ្លះ។

ដោយសារតែ វាជាជំនាន់ Beta អញ្ចឹងហើយ វារមែងតែងមាន Bugs និង Errors ភ្ជាប់មកជាមួយ ជាក់​ជា​មិនខាន។ ហើយខាងក្រោមនេះដែរ គឺជាបញ្ហា ទូទៅដែល កើតមានឡើង នៅក្នុង iOS 10 Beta 1 នេះ៖

• គាំងពេលដែល សង្កត់ Force Touch ដើម្បីធ្វើការឆ្លើយតបសារ ពី Lockscreen
• Restart ដោយស្វ័យប្រវត្តិ ពេលដែល Screenshot នៅលើ Lock Screen ថ្មី
• វានឹងបន្សល់ រូបនាឡិការរោទិ៍ “Snoozing” នៅលើ Lock Screen បើទោះបីជា ម៉ោងរោទិ៍ បានបញ្ឈប់ក៏ដោយ
• នៅក្នុង iMessage បើផ្ញើរូប emoji លើសពីបី វានឹងបំលែងពីរូប emoji ទៅជាអក្សរវិញ
• Facebook គាំង ពេលដែល upload រូបភាព/វីដេអូ
• Siri គាំង ពេលដែល សួរវាពីឈ្មោះរបស់អ្នក
• Update All នៅក្នុង Appstore មិនទាន់ដំណើរការទេ
• បើកកម្មវិធីចោលច្រើនពេក នឹងធ្វើកម្មវិធី Crash។

វានៅមាន ច្រើនទៀត ក៏ប៉ុន្តែខ្ញុំសុំបញ្ជាក់ ត្រឹមប្រាំបីចំណុចសិន ព្រោះតែ វាសំខាន់ជាងគេ ឯចំណុច សេស សល់ទៀតនោះ មិនសូវជាសំខាន់ប៉ុន្មានឡើយ។ នៅក្នុងពេលនេះ អ្នកទាំងអស់គ្នា ក៏បានដឹង​ដែរ​ហើយ​ថា វាមានបញ្ហាច្រើន ដែលយើងពុំគួរប្រើប្រាស់វា នៅក្នុងពេលនេះឡើយ។​ ហើយសម្រាប់ អ្នក​ដែល​បាន​នឹង កំពុងប្រើប្រាស់ វានោះ ក៏អាចទម្លាក់មកកាន់ iOS 9.3.2 វិញបានផងដែរ។

យ៉ាងណាមិញ សូមបញ្ជាក់ អ្នកទាំងអស់គ្នា ផងដែរថា នៅក្នុងពេលនេះ យើងលែងអាចតម្លើង iOS 10 Beta 1 តាមការតម្លើង Profile បានទៀតហើយ ដោយរាល់ពេលដែល យើងដោនឡូត និងតម្លើង Profile របស់ iOS 10 គឺវានឹងបង្ហាញ Error មួយចំនួនថា “Cannot be found” ឬ “Error លេខផ្សេងៗ ជាដើម”។