អ្វីទៅ​ជា Phishing? តើ​វិធី​សាស្រ្តណា​ខ្លះ ដែល​អាច​ការពារ មិន​អោយ​ជាប់​អន្ទាក់ Phishing នេះ​បាន? (ស្វែង​យល់​អំពី Security)

តាមពិតទៅ Phishing ចេញពីពាក្យថា Fishing បាន​ន័យ​ថា ស្ទូចត្រី ហើយ​នៅ​ក្នុង ន័យ​បច្ចេក​ទេស ជន​រងគ្រោះ គឺជាត្រី ចំណែក​ឯ Hackers គឺជាអ្នក​ស្ទូច​ត្រី។ ហើយ​បើ​និយាយ អោយ​កាន់​តែ​ងាយ​យល់ ពីពាក្យ Phishing នេះនោះ វាគឺជាវិធីសាស្រ្ត ក្លែងបន្លំ ឬធ្វើជា Clone របស់ដៃគូ គួអោយទុកចិត្ត ណា​មួយ នៅក្នុង អ៊ីនធើណេត ឧ. ដូចជា Facebook ឬ GM របស់ហ្គេមអនឡាញ មួយចំនួនជាដើម ដូចជា Clash of Clan អីហ្នឹង។
ម្សិលមិញនេះ ខ្ញុំក៏បាន សរសេរពីអត្ថបទមួយ ដែលវាក៏ជាផ្នែកមួយ នៃការ Phishing ផងដែរ ដោយអ្នក​វាយ​ប្រហារ ប្រើប្រាស់តាមការផ្ញើសារ មកកាន់លេខទូរស័ព្ទរបស់យើង ថាយើងបានឈ្នះរង្វាន់ធំ ចំនួន 100 លានដុល្លារជាដើម។

ចំពោះគោលបំណងនៃ ការប្រើប្រាស់វានោះ គឺដើម្បីសើប និងលួចយកនូវពត៌មាន អំពីគណនី របស់​ជន​រង​គ្រោះ ដែលរួមមានដូចជា username and password ឬទិន្នន័យ នៃកាតឥណ្ណទានជាដើម។ យ៉ាង​ណា​មិញ តើ Phishing មានទម្រង់ និងលក្ខណៈបែបណា?
បាទ! Phishing មានច្រើនទម្រង់ និងច្រើនលក្ខណៈណាស់ តែខ្ញុំសូមបង្ហាញពី ទម្រង់ ៣ ប្រភេទ ដែល​អ្នក​វាយប្រហារ ឧស្សាហ៍ប្រើប្រាស់ ដោយក្នុងនោះ​ មានដូចជា៖

• ការផ្ញើជាសារឈ្នះរង្វាន់
• អាស័យដ្ឋាន រឺកម្មវិធីក្លែងក្លាយ
• កម្មវិធីមេរោគផ្សេងៗ ឧ. Fake Facebook URL, Fake Hacking Game Online (Clash of Clan)

ហើយសម្រាប់វិធីសាស្រ្ត ការពារវានោះ គឺអ្នកទាំងអស់គ្នា មិនត្រូវ៖

• កុំចុច Link ដែលយើងមិនស្គាល់ផ្តេសផ្តាស
• មុននឹង វាយបញ្ចូលនូវ ពត៌មាន រឺទិន្នន័យសំខាន់ផ្សេងៗចូល ក្នុងផេកដែលបានទាមទារ ត្រូវ​ពិនិត្យមើល អោយបានច្បាស់ ជាពិសេស URL តែម្តង
• ហាមប្រើប្រាស់ កម្មវិធី Hack គណនីផ្តេសផ្តាស
• រឹតបន្តឹង សុវត្ថិភាពកុំព្យូទ័ររបស់យើង!!!

អញ្ចឹងសរុបមក យើងបានដឹងហើយថា ពាក្យថា Phishing នេះមានន័យដូចម្តេច ហើយ Hacker និង Attacker ប្រើវា ក្នុងគោលបំណងអ្វី។