ហេគឃ័រមានប្រភពពីរុស្សីហេគយកទិន្ន័យថ្នាក់ដឹកនាំនៅអាមេរិច

បណ្តាញកុំព្យូទ័ររបស់អង្គភាព DNC បានទទួលរងការវាយប្រហារយ៉ាងធ្ងន់ធ្ងរ នេះយោង តាមប្រសាន៍លោកស្រី Debbie Wasserman Schultz។  មន្រ្តី DNC និយាយថាការហេគនេះ​មិនបានមានបំណងយកព័ត៌មានផ្ទាល់ខ្លួន ឬព័ត៌មានហិរញ្ញវិត្ថុនោះទេ ប៉ុន្តែអ៊ីម៉េល និងសារក្នុង ឆាតត្រូវបានគេលួច។ យោងតាមប្រភពព័ត៌មាន Washington បានឲ្យដឹងថា  ហេគឃ័រមានប្រភពមកពី ប្រទេសរុស្សីបានកំណត់គោលដៅលើអង្គភាព DNC ជាពិសេសលើបណ្តាញអេឡិចត្រូនិចរបស់លោកស្រី Hillary Clinton និងលោក Donald Trump រួមជាមួយអ្នកនយោបាយផ្សេងទៀត។

ក្រុមហេគឃ័រចែកខ្លួនជាពីរក្រុមក្នុងការហេគ ក្រោយមកក៏ផ្តាច់ខ្លួនពីបណ្តាញ។ ទិន្ន័យដែល បែកធ្លាយត្រូវបានគេរកឃើញកាលខែកុម្ភះ។ មន្រ្តីមានសមត្ថកិច្ចនិយាយថា ហេគឃ័រមាន ប្រភពចេញពីប្រទេសរុស្សី ហើយពួកគេធ្វើដើម្បីស្រាវជ្រាវបន្ថែមពីគណបក្សសាធារណរដ្ឋ Donald Trump។ ហេគឃ័រទាំងនោះក៏ធ្លាប់បានជាប់ចោទពីការហេគលើម៉េលរបស់លោក ប្រធានាធិបតីសហរដ្ឋអាមេរិចបារ៉ាក់អូបាម៉ាកាលពីឆ្នាំ  ២០១៥ ផងដែរ។