ប្រទេសសាំងហ្គាពួ នឹងផ្តាច់ប្រព័ន្ធអ៊ិនធើណេត ប៉ះពាល់ដល់កុំព្យូទ័រជាង 100,000 គ្រឿង

ប្រទេសសាំងហ្គាពួ នឹងផ្តាច់ប្រព័ន្ធអ៊ិនធើណេតលើកុំព្យូទ័ររបស់មន្រ្តីរដ្ឋាភិបាល គោលបំណងដើម្បីរក្សាទិន្ន័យរបស់រដ្ឋាភិបាលក្រោយពីមានការវាយប្រហារដ៏ស្មុគស្មាញពីហេគឃ័រ ។

ការកាត់ផ្តាច់នឹងធ្វើឡើងនៅឆ្នាំក្រោយ ខែឧសភា ហើយវានឹងបង្ករឲ្យប៉ះពាល់ ដល់កុំព្យូទ័រជាង 100,000 គ្រឿង ដែលប្រើប្រាស់បម្រើសេវាសារធារណៈក្នុងរដ្ឋ  នេះយោងតាមការដកស្រង់ ប្រសាសន៍របស់រដ្ឋាភិបាល Lee Hsien Loong កាលពីថ្ងៃព្រហស្បតិ៍សប្តាហ៍មុន ដោយកាសែត Business Times ។

 លោក Lee  ដោយខ្លួនគាត់ជាអ្នកញៀនប្រើប្រាស់ Facebook បានថ្លែងថា ការធ្វើបែបនេះ ដំណើរការងារនឹងយឺតយ៉ាវ ប៉ុន្តែយើងត្រូវការពារ ដោយសាររដ្ឋាភិបាលបានក្លាយជាគោលដៅ វាយប្រហារដ៏ស្មុគស្មាញពីសំណាក់ហេគឃ័រក្នុងឆ្នាំនេះ។ ក្នុងគោលបំណងការពារសុវត្ថិភាព   និងរក្សាសន្តិសុខបណ្តាញ និងសុវត្ថិភាពរបស់ពលរដ្ឋ​ រួមទាំងរាល់ទិន្ន័យទាំងអស់ ការធ្វើបែប នេះគឺជារឿងចាំបាច់។ រយៈពេលប៉ុន្មានឆ្នាំមកនេះ ប្រទេសសាំងហ្គាពួរបានប្រឈមនឹងបញ្ហាប្រឆាំងនឹងបទឧក្រិដ វាយប្រហារលើបណ្តាញ ក្នុងនោះមានទាំងការវាយប្រហារដើម្បីលួចយកទិន្ន័យអតិថិជនពី ធនាគារ Standard Chartered Bank និងការហេគលើវ៉ិបសាយផ្លូវការរបស់លោក Lee​ផងដែរ។

ការប្រើប្រាស់អ៊ិនធើណេតលើស្មាតហ្វូនផ្ទាល់របស់បុគ្គលិកនឹងត្រូវបានអនុញ្ញាតខណៈពេល ដែលមានការកាត់ផ្តាច់សេវាអ៊ិនធើណេត។ លោក Lee បានបញ្ជាក់ថា វានឹងបង្ករឲ្យមានសុវត្ថិ ភាព និងមានសន្តិសុខ ក្នុងការធ្វើរឿងដ៏ចាំបាច់។